مروان محمد
تفاحة الغواية / الأنبيا / الصحابة / والأوليا / سابع سما / أول أرض تشيل وريدى ؛ بلا ضجر ,
دمعة عنيك ,
لما الشجن يرسم ملامحى .
وابتسامتك لمَّا أحصد
بعض قمحى .
صاحبى اللى جاللى
كاكتمال للحقيقة ,
لمَّا جيتْ للأرض تحبى ؛
صبِّيت ف ودنك الأدان ,
وكلمتين عن الشهادة
والعدل لا يكتمل :
من غير ارادة .
الرب لما اصطفى
زرع ف قلبى دفا
بيشبه لون ضحكتك
فاوعاك تكفر بانبيا الفكرة ,
ولمَّا ينصَّبوك للخلافة
اقرا الفاتحة على روحى
واغفر للعزيز سجنك
بلا أخ ف الصحرا
الوحدة شرط الرسالة
وهارون وموسى :
حالة لا تصلح للاعادة
فلازم كنت اسيبك
وحيييييييد
تصعد المنبر بحق الحروف /
ورفض الهوا للخوف .
بنى أمية مينفعوش
يكونوا بنى اسرائيل .
سايق عليك كل ضحكة
ضمت عيونك وروحى ليك
يا سادس الراشدين
أوعاك تورث
الكرسى لولادك ,
وازرع الفكرة
لكل أحفادك .
=====
من ديوان صحاب
