الداخليه زي ما هيا
عايشه فـ دور البلطجيه
وقت ما نبدأ بالهتاف
يضربونا بالغازيه
ما هما قولنا دي سلميه
يعتبروها إجراميه
يا داخليه دي القضيه
قوة ثورتنا الشعبيه
ليه معاملة العداء
واحنا نطالب بالحريه
لا انتو قوة احتلال
واحنا موش فلسطينيه
ليه تفضوا الاعتصام
بالخرطوش والمطاطيه
ده انتو اخواتنا والخلاف
إن المصري موش هافيه
هي القسوه موش أساس
ضد كرامه إنسانيه
ليه الضرب بالرصاص
يبقى اخوك هو الضحيه
الثوار عايزين قصاص
مش تخريب وبلطجيه
احنا هدفنا حق الناس
إن مصر تكون عافيه
الغلابه ليه تنداس
فين حقوقنا القانونيه
نفسي نبقى يد واحده
عـ الفساد و الحراميه
 احنا ولاد ارض واحده
تحيا مصر حره قويه