نجمة ليل.
شعر د.يسرى العزب
طريقى ليه استوى..
من كتر مشيى عليه...
او من كثافة الشجر حواليه..
او جفوتك من غير مودة ليه..
......
جيتك تراب السفر كان تمر حنة
حنون على جبينى.
فتحت عينى التقيتك...
انت نور عينى..
تمثال فريد فى الجمال..
بيمد سكة وصال...
بيشدنى للضى..مالى المجال..
بيقول فى صمته النبيل..
ارتاح على صدرى ياموج النيل..
واروى الاراضى اللى طول الليل...
بتستناك.
يملانى حلم لقاك...
يملاك حنينى بالخضار..
القاك..ياست الدار...
فى حضنى دار
القاك نهار مختلف..
خمرى بلون القمح والحنة..
وبين ايديك بترقص الجنة
والقانى فى الشعر الطويل..
نجمة فى عز الليل
نورها الضئيل...
نفسه يكون دليل..
على طريق مستوى...
وقلبه شايلك شيل..
ياالله ارتوى بالمطر.
