إحنا كده..!
(5)
إحنا كده
معانا نضحّك الحياه
وهىّ أصلاً معضله
مزنزنهْ كلّ اتجاه
مكبّلهْ كلّ الرقاب..
مكيّله فوق الكتاف أوهام,تخم,
والضحك ديدنها الأكيد كمَا الذكاء,
ولَمَّا تِفرد وشَّهَا
تلقى الشراع ورا الشراع
غنا وحكاوى
والنيل يهقهق..,
والقهاوى واخده الشوارع ليها اتساع
والشوارع مليانه بالزحمه الرحيمه
اللى ياما شكّلتنا فى الدوار
إحنا البراح..
لَمَّا الشوارع تضيق بالحاجات
واحنا الألم
لَمَّا نترّصّد ضمير..
أجمل ما فينا من صباح
ونقوله غيب
واعمل غاباتْ..!
