قاللى خُصوصى
ده باشا باشا آه ياناتاشا
وناتاشا إسم من أصل روسى
قاللى خُصوصى يامَدمَزيل
يامَدمَزيل لازم تحِّفى
دى الِبت بيضه والهامه هيبه
ليه يا وهيبه
فى الأرض حَطه
فى الشَنطه نطـَّـه
مع إن وزِنك مُش خفيف
فطير مشلتت وزبده سايحه
ومِشّ يحرَق جوف الضعيف
قالوا سمينه
قـُلنا عجينه
ومهلبيه
لُقمه طريه
ياكلها باشا آه يا ناتاشا
وناتاشا إسم من أصل روسى
قاللى خُصوصى يا مَدمَزيل
يا مَدمَزيل لازم تـُـبصى
ع اللى بيجرىَ مِن نخل طالِع
ونِجم والِع على جوزه تـُركى
ونـَـفـَس ينـفـِّس هَم
العجايز
بُصى يا بيضه على فريضه
بت أصيله مِن فـَرع عالى
بت أصيله مِن فـَرع عالى
ياكلها باشا آه يا ناتاشا
وناتاشا إسم من أصل روسى
قاللى خُصوصى يا مَدمَزيل
يا مَدمَزيل لاِزم تِروحى
لأرض خَضرا وهوا عليل
وتـُربه بُنى..بساتينها
تِطرح
بلح ومانجه على فرع نيل
روحى يا شاطره وخلليكى فاكره
بت أصيله من فرع عالى
ياكلها باشا آه يا ناتاشا
وناتاشا إسم من أصل روسى
قاللى خُصوصى يا مَدمَزيل
يا مَدمَزيل لاِزم تِكونى
دُره ف عيُونى
بضفيره سوده وننى ليل
إوعى تفـُكى أحسن تِفكى
شعرك وتبقى الدُنيا ويل
كونى يا حلوه ف القلب غنوه
بت أصيله من فرع عالى
ياكلها باشا آه يا ناتاشا
وناتاشا إسم من أصل روسى
قاللى خُصوصى يا مَدمَزيل
يا مَدمَزيل لاِزم نضُم
روحى وروحك ف إيدين أهُم
حَنونه إنتى ولجل بنتى
هخـْدك عشان العرِق دمْ
روحى وتعالى كونى حلالى
بت أصيله من فرع عالى
ياكلها باشا آه يا ناتاشا
وناتاشا إسم من أصل روسى
قاللى خُصوصى يا مَدمَزيل
جامدة جداً جداً ...:)))))
ردحذف