ما يجيبها الا ستاتها
حسين جعفر ·
ما يجيبها الا ستاتها
ستاتها أصلا جايباها
إيزيس بتصرخ ف عيالها
ولا غير بناتها سامعاها
حورس عينيه الاتنين راحوا
ولا حد بيداوي جراحه
غير اللي عينه ف المجلس
غير اللي عينه ع المجلس
رجالة حلوة بتترقص
وألف ست بتتنفس
حرية من غير رجولتهم
يا كلام مهذب ومعرّص
ملعونة دايما بدلتهم
ملعونة دايما كلمتهم
والبنت مش سامعة وشايفة
ولا من رصاص ولا شوم خايفة
وعارفة سكة مصر النور
واللي سترها وحماها
بيكره الكرسي بداهة
ويقول لكل العسكر غور
واللي معاه خنقوا الآهة
دولا اللي ليهم سيف مسرور
يا بنت مصر يا غنيوة
طالعة من النيل وحليوة
ما تعبريش راجل فيهم
وما تحلميش غير بالتحرير
هو اللي واقف جنبيكي
وحلمه مش عايز تفسير
بيعززك ويحيكي
ويقول لمصر صباح النور
ويجيب معاكي صباح الخير
