"يا مصري ما تقولش الحياه "فا ــ خاك"
ولا تفتكرش إن السما معانداك
قدّمت روحك ورده في الميادين
ورميت حُمولنا فريسه للقوانين
وآمين ومش عارف آمنت لمين
ومشيت وسكّة غربتك سارقاك
..................................
هدّيت جبال ومشيت تهد جبال
وقريت ملامحك ع السكك رحّال
...... النيل بيضحك واللا دا زلزال
والماء زلال... واللا الكلى واجعاك
..................................
مسروق ولو مرّه اعترضت تموت
مخنوق ودايمًا منتشي ومبسوط
ساكت ووقت الصمت عالي الصوت
ومغني بارع بس مش سامعاك
..................................
مصر الحقيقه ومصر حقّ الناس
حق الفقير والمحني والكنّاس
وان كان لإبليس فيها رايه وفاس
لسّه الملايكه أكيد هنا وهناك
..................................
الحُر واقف والخازوق منصوب
مصدوم وشايل حِمْله بالمقلوب
كاتب على الطُّوب والكلام مشطوب
مصلوب وصامد يا ضنايا معاك
..................................
إن كان هيمشي الحال ب "حلّق حوش"
وان كان قانونها الوَحْش خلفه وحوش
وان كان كبيرهم مُرْتجع "قراقوش"
فما تحزنوش... هذا الصّنم من ذاك
ولا تفتكرش إن السما معانداك
قدّمت روحك ورده في الميادين
ورميت حُمولنا فريسه للقوانين
وآمين ومش عارف آمنت لمين
ومشيت وسكّة غربتك سارقاك
..................................
هدّيت جبال ومشيت تهد جبال
وقريت ملامحك ع السكك رحّال
...... النيل بيضحك واللا دا زلزال
والماء زلال... واللا الكلى واجعاك
..................................
مسروق ولو مرّه اعترضت تموت
مخنوق ودايمًا منتشي ومبسوط
ساكت ووقت الصمت عالي الصوت
ومغني بارع بس مش سامعاك
..................................
مصر الحقيقه ومصر حقّ الناس
حق الفقير والمحني والكنّاس
وان كان لإبليس فيها رايه وفاس
لسّه الملايكه أكيد هنا وهناك
..................................
الحُر واقف والخازوق منصوب
مصدوم وشايل حِمْله بالمقلوب
كاتب على الطُّوب والكلام مشطوب
مصلوب وصامد يا ضنايا معاك
..................................
إن كان هيمشي الحال ب "حلّق حوش"
وان كان قانونها الوَحْش خلفه وحوش
وان كان كبيرهم مُرْتجع "قراقوش"
فما تحزنوش... هذا الصّنم من ذاك
***************
سعيد شحاتة
