الرئيسية » » يا غُنا يا غُنا يا بلاش | سعيد عبد المقصود

يا غُنا يا غُنا يا بلاش | سعيد عبد المقصود

Written By كتاب الشعر on الأربعاء، 26 نوفمبر 2014 | نوفمبر 26, 2014


يا غُنا يا غُنا يا بلاش
حبيبتى
وأنا اللى لامح ضِلها
ف الضِل
بيلاغى اليمام ينْقام 
يكون السما
ع الأرض اللى قامت لها
ليها الجبال والرقص
والغُنا بناسُه
طلِّة المشمش 
ف ريح البرتقان
دفا الياسمين
اللى خللَى فُُُلَّها يوجع
وردها الألوان
واللا قطيفة والهوى بيزووووم
وأنا اللى لامح
زوغان عنيها وهيه بتخبى
ريحة جناينى ف شنطتها
------------------------
من ديوان شبه الحزن
 — .

التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.

Google ads