البنفسج سعاده غيبيه
الليل بنفسج
بيعدى ع السحابات يفتح
لون البشر ع الضل
سهر ليالى بتنتحر تأويل
لكتابة الدم تاريخ هيروغليفى
يستدعى مفتاح الحياه
أب روحى للعبه
ف جواز المنطق المادى
لإنسانية التعذيب
مكلفين جواها بفطرة المجانين
سخريات علنيه
بتشد ف عيون القلق
الماسك من وشك
تحكى تجربتك
وسط الحكايه
حوارى بتوسع ف المسافات كلام طيب
عارفاه ساعات بيكون خريطة ألم
بس الألم لازم بيكتب حقيقه
من نوع تحدى لضلمة الطرقات
عصابات بتهوى الفلسفه حكمه
لما الشجر يسقط من وسط الذنوب صحاب
تهوى البنفسج
راحه البال اللى فاضله
ف انتظار سعاده غيبيه
